Aurten HITZAren ildoa zabaldu dugu, Herri Arte Eskolaren berrikuntza nagusienetariko bat. Adin guztietako ikasleak hitza modu sortzailean eta baliabide estimulatzaile askorekin jorratzen ari dira. Bestalde gure ikasleetako batek ere saria eskuratu du Orereta ikastolak antolatzen duen ‘Beldurrezko (mikro)ipuin eta ikus-entzunezkoen lehiaketan’.
Paul Muñoz eta Aimar Alonso saxofoi ikasleak EIJO-n sartu dira, Euskadiko Ikasleen Jazz Orkestran, ZORIONAK! Beste eskola eta kontserbatorioetako ikasleekin big-bandean arituz musika egonaldiak burutu eta urtean zehar kontzertuak eskainiko dituzte.
Klarinete eta ganbera musika ikasleak Zumaiako Klarinete Maratoian parte-hartu dute. Ikasle, guraso eta irakasleak Arte Eskolak antolaturiko autobusean egin dute joan-etorria.
Euskararen Eguna dela eta dultzaina taldeak beste instrumentu batzuez lagundurik KANTALDI HERRIKOI PARTE-HARTZAILEA eskaini dute Koldo Mitxelena ikastetxeko patioan.
HAE-ko musika eta dantza irakaslegoa dantzagunera bertaratu da Amaia Elizaran eta Liam Ó Maonlaí-ren sorkuntza prozesura hurreratu eta topaketa bat burutzera. Lagin bat zuzenean ikusi eta 2 artisten aldetik azalpenak jaso dituzte. Otsaileko estreinaldiaren aurretik ikaslegoarekin tailer bat burutuko da musika zein dantza ikuspegitik.
ZORIONAK musikari eta musikazale guztiei! Ospakizun gisa irailean ATLANTIKALDIAN eskainitako kontzertu gogoangarria ikusgai jartzen dugu, gozatu!
Herri arte eskolako ikasleen kontzertuak ostiralean azaroak 19 ( 19:30etan ) eta 20 ean ( 12:00etan ) izango dira, Koldo Mitxelena eskolako patioan
Hastapen Artistiko Multidiziplinarreko ikasleek Oteizaren Igeltsu Laborategi propioa sortu dute. Museo Oteiza Museoa
Herri Arte Eskolako 35 ikasle, guraso eta irakasle Iruñea-ko Uniertsitatea museora bertaratu dira Iratxe Ansa – ren CreAcción lanaren estreinaldira eta dantzari eta zuzendariarekin topaketa burutu dute. Abenduaren 20an LekuOna Kultur Fabrikan dantza masterclass bat eskainiko dio eskolako ikaslegoari Gipuzkoako Dantzagunea– rekin antolatu den saioan.
Gaur Jose Mari San Sebastian esku-soinuko irakaslearen azken eguna izan da Herri Arte Eskolan, ESKERRIK ASKO eman gaituzun guztiarengatik. 💗💗💗
